Fréttir frá Hvolsvelli

Við vorum að tala um það eftir fundinn í gær hvað við ættum orðið erfitt með að fá tímann til að líða. Framleiðslan er komin í algert lágmark og algert ráðaleysi virðist vera á sölunni.

Bændur eru farnir að ókyrrast en Muli hefur verið í því að róa þá. Þeir vilja bara að hann taki við forstjórastólnum.

Halli var að segja okkur góða sögu af forstjóranum . Það er ekki satt að hann bjóði ekki góðan daginn heldur mætir hann bara svo snemma á morgnana að það heyrir enginn í honum !

Hér gantast menn með það að nú ætti Steinþór eiginlega að fara að fordæmi Lárusar Welding hjá Glitni og lækka launin sín. En ekki um 50%. Hann ætti að hafna öllum launum og bjóðast til að endurgreiða þau laun sem hann hefur fengið frá 1988 !!

Bæði nafnlaust bréf sem sent var á stjórn og varastjórn félagsins í haust sem og bréfið frá fyrrum starfsmanni sem hætti í lok sumars eru komin í umferð. Þar er í ýtarlegu máli lýst stjórnunarháttum Steinþórs sem og óánægju með hann. Við erum að velta fyrir okkur hvort rétt sé að birta þau hér.

Óánægja með Steinþór virðist aukast dag frá degi enda er starfsmannavelta hrikaleg. Engir peningar virðast til nema fyrir nýjum rándýrum bíl fyrir forstjórann.

Steinþór hefur fundið lausn á neikvæðu niðurstöðunum í VR könnununum. Hann hamrar á því við fólk að vera jákvæðara í VR könnuninni sem núna er í gangi !

Það er ekki annað hægt að segja en að innanhúsdeilur séu alveg að fara með fyrirtækið. Árshátíðin sem á að vera 1.mars nk. var næstum blásin af vegna ótta við hópslagsmál eins og í keilunni um daginn. Það þarf bara að vera með vopnaleit líkt og í framhaldsskólum vestanhafs !

Hver er sá truflaði ?

Tekið af DV.is :

„Mórallinn er orðinn það slæmur að slagsmál brjótast úr þegar við förum að skemmta okkur saman. Jafnvel í keilu þar sem einn starfsmaður nefbrotnaði og annar gisti fangageymslur. Þetta var eitt það ógeðslegasta sem ég hef séð,“ segir í færslu inn á vefsvæðinu slaturfelagid.com.

Heimasíðan var sett upp til höfuðs forstjóranum Steinþóri Skúlasyni en þar er hann sakaður um að vera óhæfur í starfi og sé kominn langt með að drepa niður vinnuandann. Steinþór segir að hin meintu áflog hafi ekkert með innanhússdeilurnar að gera. Hann hafi ekki heyrt af þessum áflogum sjálfur og sá sem hafi ritað færsluna sé líklega truflaður fyrrverandi starfsmaður.

Sjá nánar í DV í dag. Slóð á DV.is : http://dv.is/frettir/lesa/5705

Hjálp !

Ástandið hér innan húss er vægast sagt orðið óbærilegt. Þögnin er ríkjandi , við öll erum farin að hvísla og loka að okkur hurðum. Andrúmsloftið mætti skera með demanti. Það er leitað að sökudólgum út um allt.

Og ekki bætir viðtalið við forstjórann í DV í dag ástandið. Nú á lögreglan að rannsaka hver okkar vilja skipta um forstjóra ! Er það honum til framdráttar ?

Mórallinn er orðinn svo slæmur að áflog brjótast út þegar við förum að skemmta okkur saman. Jafnvel í keilu þar sem einn starfsmaður nefbrotnaði og annar gisti fangageymslur. Þetta var eitt það ógeðslegasta sem ég hef séð ! Hvernig verður árshátíðin eiginlega þar sem við öll mætumst ?

Það eru stöðugar vantanir á vörum en ég held að okkur sé flestum orðið sama. Viðskiptavinirnir gera stöðugt grín að þessum aðstæðum og það er farið að brjóta móralinn ennþá meira hjá okkur, maður fær engann vinnufrið !

Og ekki er ástandið skárra á Hvolsvelli og Selfossi. Starfsfólkið þorir ekki lengur í bæinn. Og enginn vill hitta forstjórann.

Enginn þorir að hreyfa sig neitt eða gera nokkuð án þess að bera það undir forstjórann . Það er allt lamað hér á Fosshálsi.

Allir þeir sem búnir eru að segja upp geta ekki beðið eftir að fá að hætta áður en uppsagnarfresturinn rennur út. Aðrir eru að leita sér að vinnu svo þeir geti hætt.

Fólk er farið að grínast með það að Steinþór verði einn eftir. Þá getur hann verið leiðinlegur í 430 störfum til viðbótar.

Jónas ,

okkur líður hryllilega illa í vinnunni. Við treystum á það að hlutirnir fari að lagast. Við erum dyggir starfsmenn og viljum fyrirtækinu vel, þessvegna erum við hér ennþá. Það gæti verið einstaklega gaman að vinna hérna.

Nú er nóg komið. Þú verður að skera okkur niður úr snörunni!

Segjast ekki tengjast heimasíðu til höfuðs Steinþóri

ÉG var á fundinum í söludeildinni í dag. Þar vorum við pínd til að skrifa undir að við stæðum ekki fyrir þessari heimasíðu , http://www.slaturfelagid.com/ með haglabyssuna nánast í kjaftinum.

Sigga og Herborg sem eru ný búnar að segja upp vegna óánægju stjórnuðu fundinum en Gunnar Grétar var með ásakanir í garð fyrrverandi starfsmanna. Það er helvíti fyndið að halda því fram að fyrrum starfsmenn sem vilji fyrirtækinu illt vilji að skipt verði um forstjóra þegar allir vita að það er best að gera það ekki .

Svo skil ég ekki hvers vegna er verið að ráðast svona að okkur í söludeildinni. Það erum jú ekki bara við í söludeildinni sem höldum úti þessari síðu heldur starfsfólk úr nánast öllum deildum fyrirtækisins. Og það er klárlega ekki ástæðulaust hvers vegna nafnleyndar okkar allra verður að gæta !

http://visir.is/article/20080218/FRETTIR01/80218081

Við viljum nýjan forstjóra hjá SS !

Nýji forstjórinn verður að:

• Bjóða góðan daginn!
• Njóta trausts og virðingar
• Vita hvað forstjóri á að gera
• Vera meðvitaður um hvað er að gerast í fyrirtækinu
• Líta á starfsfólk sem auðlind
• Vera framsækinn
• Móta stefnu - aðra en þá að hanga á forstjórastöðunni eins og hundur á roði
• Beita nútímalegum stjórnunaraðferðum
• Taka skynsamlegar ákvarðanir
• Hafa kímnigáfu
• Ná árangri í starfi
• Henda kristöllunum!

Starfsfólk SS

Tekið af visir.is :

Andri Ólafsson skrifar:

Mikil óánægja er á meðal margra starfsmanna Sláturfélags Suðurlands en á síðustu dögum hafa sex starfsmenn sölu og markaðsdeildar, þar af þrír stjórnendur, sagt upp störfum hjá fyrirtækinu.

Þrír af þessum sex sögðu upp fyrr í dag. Heimildarmenn Vísis í fyrirtækinu segja að enn fleiri séu að íhuga stöðu sína og muni segja upp störfum á næstu dögum.

Forstjóri SS, Steinþór Skúlason, hefur boðað til starfsmannafundar vegna málsins klukkan 16 á morgun.

Samkvæmt heimildum Vísis komu uppsagnirnar í kjölfarið á langvarandi óánægju margra starfsmanna með stjórnunarstíl og aðferðir Steinþórs forstjóra SS. Sem dæmi um það má nefna afar slæma útkomu SS úr nýlegri könnun VR á viðhorfum starfsmanna um 130 fyrirtækja til stjórnenda sinna.

Heimildarmenn Vísis nefna helst forneskjulegan stjórnunarstíl, stöðuga afskiptasemi og stefnuleysi í mannauðsmálum.

Einn óánægður starfsmaður SS sagði í samtali við Vísi í dag að litið væri á starfsfólk fyrirtækisins sem kostnað og tölur en ekki manneskjur.

Steinþóri Skúlasyni forstjóra var ekki kunnugt um óánægju á meðal starfsfólks SS þegar Vísir náði tali af honum í dag. Aðspurður um uppsagnir starfsfólks undanfarna daga svaraði Steinþór að tvær þeirra ættu sér eðlilegar skýringar. Hann sagðist hins vegar ekki hafa heyrt af neinum uppsögnum í dag. Þegar fréttamaður Vísis tjáði honum að þrír starfsmenn hefðu skilað inn uppsögnum í dag svaraði Steinþór: "Þá veist þú meira en ég"


Tengill á fréttina : http://visir.is/article/20080206/FRETTIR01/80206077



Könnun VR

Sláturfélag Suðurlands í 116. sæti af 117. Trúverðugleiki stjórnenda fær 8 stig af 100 mögulegum !!!



Smellið á myndina til að stækka

Einnig er hægt að sjá könnunina á VR.is : http://www.vr.is/index.aspx?groupid=476601&tabid=2019